Politiet på Sunnmøre fekk melding om vinglete køyring laurdag ettermiddag og bestemte seg for å sende ei patrulje for å stanse bilen.
– Kvinna var over gulstripa og kvitstripa gjentekne gongar. Vi mistenkte promillekøyring, seier operasjonsleiar Borge Amdam ved Sunnmøre politidistrikt.
15 minutt seinare fekk politiet stansa henne i Brusdal i Ålesund, men kvinna var edru. Strikketyet låg ved sidan av henne og kvinna innrømte at ho hadde strikka bak rattet.
– Ho angra på det ho hadde gjort og var lei seg for at ho ikkje klarte å la vere å strikke, seier Amdam.
Politiet ser svært alvorleg på saka. Strikkinga skjedde i ei 80-sone der det var vore mange ulukker. Kvinna miste førarkortet og vert meld.
– Dette er første gangen eg veit om der vi har tatt førarkort på grunn av strikking. Avislesing og teksting på mobil er vanlegare, seier operasjonsleiaren.
