FAKTA: Ordførar i Herøy Arnulf Goksøyr (H) snakkar av eigen erfaring når han seier at eit nasjonalt senter for oljevern kan gi klarheit i debatten om korleis ein skal reagere når katastrofer skjer.
Foto: Trond Vestre / NRK- Med eit slikt senter kan ein samordne kompetansen slik at fagmiljøa ikkje spelar eit spel om kva som er rett og gale, seier ordførar i Herøy Arnulf Goksøyr (H).
Kunne vore unngått
I 1992 fekk Herøy oppleve oljeutslepp på nært hald. Goksøyr har fulgt diskusjonen i etterkant av utsleppet frå lasteskipet Full City utanfor Langesund.
Han meiner den kunne ha vore unngått ved å samla kompetansen på ein stad.
- Då vil fakta i større grad komme til overflata.
Nasjonalt senter
Det er ordførar i Kristiansund, Per Kristian Øyen (Ap) som har tatt til orde for eit nasjonalt senter for oljeberedskap.
SATSAR STORT: No håper ordførar i Kristiansund Per Kristian Øyen (Ap) at miljøvernministeren skal tenne på ideen om eit nasjonalt senter for oljevern på Nordmøre.
Foto: Herskedal, Kjell / SCANPIX- Vi tenker stort og Kristiansund si plassering er i grunn midt i matfatatet for å seie det slik, seier Øyen.
- Vi meiner beredskapen i Norge gjentatte gonger viser seg å ikkje vere god nok. Norge må ha store depo rundt om i høve utslepp.
Ordføraren meiner at Kristiansund også er ein bra stad å bygge opp eit fagmiljø på grunn av kompetansen innan oljemiljøet i byen.
- Veien videre går til miljøvernminister Solheim for å sjele inn ein tanke der.
