Ifølgje NRKs reporter i området rykte sju personar fordelt på tre bilar ut til Hustad fengsel i Fræna. Det ser og ut til at det er tatt med politihund.
Nordmøre og Romsdal politidistrikt opplyser at dei har avslutta aksjonen i Hustad fengsel. Den innsette, som skal ha fått tak i ein stor fruktkniv og trua ein fengselsbetjent, er tatt hand om av politiet. Kniven skal den innsette ha fått tak i på fellesområdet i fengselet.
– Den innsette rispa ein kvinneleg tilsett med kniven, men skadane var så små at lege ikkje var nødvendig. Den innsette isolerte seg på eit rom, men vi arresterte personen utan dramatikk, og utan bruk av våpen, seier operasjonsleiar Thorry Åkernes.
Politiet fortel at dei ser svært alvorleg på situasjonen.
– Dei tilsette ved fengselet gjorde ein svært god jobb då vi prøvde å få situasjonen under kontroll. Dei fekk isolert personen vekk frå dei andre i fengselet, seier Åkernes.
- Les også: