Større skred var «gammalt» - søk blir avslutta

Det blei søkt for fullt i Fjord kommune på Sunnmøre etter at det blei meldt om eit større skred. Redningsmannskapane vurderte skredet til å ikkje vere dagsferskt, og aksjonen er derfor avblåst.

To helikoptre ved Overøye, Fjord kommune.

Snøskredet skal ha gått på austsida av Dyrdalstinden, like ved Overøye. Det ligg i Fjord kommune på Sunnmøre.

Foto: Even Toreson Remøy

Redningshelikopter, luftambulanse og skredgruppe er sendt til fjellet Dyrdalstind i Fjord kommune på Sunnmøre, etter melding om eit større snøskred.

Skredet skal ha gått nær toppen, ifølgje HRS Sør-Norge.

Det blei søkt med redningshelikopter, luftambulanse og skredgruppe.

– Vi har ingen indikasjonar om at nokon er tatt, men sett inn redningsaksjon for å vere sikker, sa operasjonsleiar i politiet, Leif Arne Mork, tidlegare.

Klokka 20.20 melde politiet at søket blir avslutta. Skredet blei vurdert til å vere minst eit døgn gammalt, og det er derfor lite truleg at nokon er tekne.

Redningsmannskapane har også sjekka ut skispor i området.

Fjellet ligg på indre Sunnmøre, ikkje langt frå Romsdal.

– Meldar har ikkje sett skredet gå, men har varsla om det, seier Mork.