Storordren frå Norgesgruppen vil bety enormt mykje for familiebedrifta North Sea Salt Works på Rindarøya i Aukra som har satsa alt på saltproduksjon.
– Vi fekk beskjed frå Norgesgruppen like før jul at dei vil satse 100 % på saltet «Havsnø», seier Arve Peder Øverland. No skal det ut til alle Meny-butikkane i heile Noreg, seier han.
Flaksaltet 'Havsnø' frå North Sea Salt Works på Aukra
Foto: Roar Strøm / NRKSalt frå Saltsteinsleia
Ideen til saltproduksjonen kom for om lag fem år sidan. På ein fisketur i familiebåten ved Saltsteinsleia ut mot Ona Fyr fylte Michal fleire ti-liters kanner med sjøvatn. Kvar kanne blei merkt med nøyaktig posisjon. Tilbake på land starta ho opp krabbekokaren i naustet. Dermed begynte eksperimenteringsprosessen og historia om det som i dag har resultert i «Havsnø».
Jobbar på spreng
– No jobbar vi på spreng for å pakke saltet og laste på pallar. Ordren gjeld frå midten av februar, seier Arve Peder Øverland.
Fabrikken til North Sea Salt Works på Rindarøya i Aukra
Foto: Roar Strøm / NRKKor viktig er ei slik kontrakt for dykk?
– Det er klart at det er kjempeviktig. Vi har lyst til å lage eit salt som alle i Noreg kan få tak i. At folk kan få norsk salt på egget om morgonen, seier Øverland.
.
