– Eit dansk vogntog er akkurat blitt berga, og bergingsbil er på veg for å berge eit nytt vogntog som står fast ein kilometer frå Fjellstua, i retning Sjøholt, seier Runar Larsen i Statens vegvesen som dirigerer trafikken på Ørskogfjellet.

I tillegg er det fleire vogntog som står og legg på kjetting.

Politiet opplyste tidlegare i dag at det var ei tynn ishinne på vegen mellom Landedalen og over til Skorgedalen på Vestnessida. Sjølv om det var store ishinner over store område på Ørskogfjellet i dag tok det fleire timar før vegen blei strødd.

Les også: Litt i seneste laget, kanskje?
Les også: Bilar på tvers sperra fleire vegar

Blir meldt til politiet

–Det var eit dansk vogntog som forårsaka første stopp på Ørskogfjellet i dag. Dette vogntoget blir no berga, seier Larsen i Statens vegvesen.

Dette vogntoget låg fremst i køen på Ørskogfjellet i dag og lagde problem for mange andre vogntog. Einar Rostad ved Sunnmøre politidistrikt fortel at det danske vogntoget no blir meldt for å ikkje hatt nødvendig utrusting.

–Vi driv no og oppretter sak, fortel operasjonsleiar Einar Rostad ved Sunnmøre politidistrikt.

Få oppdaterte vegmeldingar her.
Sjekk vermeldinga her

Mobile kontroller

Like før klokka to i dag bestemde Statens vegvesen og politiet seg for å stengje strekninga for vogntog som ikkje er godt nok skodd. Vegvesenet vil fortsette å pålegge vogntog å ha kjetting over Ørskogfjellet utover kvelden.

–Dei som har kjetting og god vinterutrusting får køyre. Dei som ikkje har det må vente i Ørskog sentrum og på snuplassen i Skorgedalen, fortel operasjonsleiar Overøye.

Les også: Politiet åtvarar mot såpeglatt rv5

Dårlige køyreforhold

Berre ei køyrebane har vore open på Ørskogfjellet store deler av dagen i dag, og trafikken blir no dirigert.

Over Ørskogfjellet opplyste politiet tidlegare i dag at det var ei tynn ishinne på vegen mellom Landedalen og over til Skorgedalen på Vestnessida. Sjølv om det var store ishinner i området tok det fleire timar før vegen blei strødd.

Politiet meiner det no er dårlege køyreforhold over alt i fylket, og oppfordrar dei som skal ut på vegane til å køyre forsiktig og vise omsyn til andre bilistar.

–Den fyrste snøen brukar å bli veldig glatt for enkelte. Det er mogleg det er overraskande at snøen kjem, seier Overøye.

Innholdet som skulle vises her støttes dessverre ikke lenger.