Statssekretær Arnfinn Ellingsen opna vegen offisielt i dag, og på programmet stod både korsong, korpsmusikk og veteranbilkolonne. Arrangementet gikk føre seg på Tua i Stigedalen.
Gradvis oppgradering
Sidan 2001 har vegen blitt oppgradert slik at vegbana har blitt breiare og ein del svingar er retta ut. Statens vegvesen kallar det sjølv for ei nøktern oppgraderinga. Vegen går mellom Volda og Eid i Sogn og Fjordane. På Volda-sida har fire kilometer veg blitt utbetra til ein pris på 26 millionar kroner. Totalt har oppgraderinga av vegen kosta 113 millionar.
Viktig veg
Vegen gjennom Stigedalen er ei viktig samferdeselsåre for trafikken mellom Møre og Romsdal og Bergen. Rundt 750 køyretøy passerar i døgnet, og spesielt på vinterstid har den smale vegen skapt store problem for lastebilar, bussar og vogntog. Vegen er no oppgradert slik at den har to køyrefelt, og dermed kan trafikken køyre fritt utan å stoppe for møtande køyretøy.