I dag kravde hovudverneombodet ved sjukehuset at Rødbrakka, som har vore administrasjonsbygg, skulle stengast. Stengingsvedtaket blei imidlertid oppheva då det blei klart at brakka skal opphøyre som arbeidsstad.
– Dei tilsette som har arbeidd her har blitt sjuke. Folk har fått biholebetennelse, astma og raude auge, seier hovudverneombod Anita Høgstøyl.
Tysdag ettermidag blei det imidlertid semje mellom hovudverneombodet og direktøren ved sjukehuset om korleis lokala skal avviklast. Sjukehusleiinga skal no finne andre lokale som kan avløyse bruken av Rødbrakka.
Først skal det finnast midlertidige arbeidsplassar. Deretter skal det finnast ei permanent kontorløysing.
