– Her i Ålesund seier vi at vi ønskjer å vere ei ja-kommune med ein plan, seier ein engasjert Øystein Tvedt til statsminister Erna Solberg då ho i dag besøkte Ålesund.
Ordførarkandidaten i Ålesund gjekk rett på sak då han tok med seg statsministeren på byvandring i Ålesund onsdag ettermiddag.
Solberg, som i dag var på besøk i Møre og Romsdal, starta turen i Molde, før ho reiste vidare til Ålesund. Reisa blir avslutta i Ørsta onsdag kveld.
- Les også:
Kjempar om å bli ordførar
Før haustens kommune- og fylkestingsvalet gjer 24 år gamle Øystein Tvedt seg klar til å kjempe for å bli den nye ordføraren i Møre og Romsdal sin største by.
Tvedt utnytta anledninga til å få råd frå statsministeren.
– Det er viktig å bruke denne moglegheita til å snakke om kva vi som region og by treng framover. Både kva vi kan gjere lokalt og kva vi kan få av draghjelp nasjonalt, seier han.
- Les også:
Alder er inga hindring
Ålesund har vore Høgre-kommune sidan 1999, og Høgrepolitikarane i kommunen ønskjer at det skal halde fram med å vere det, også etter haustens kommune- og fylkestingsval.
Høgre ønskjer fornya tillit i Ålesund, men kommunen slit med dårleg økonomi, samtidig som andre oppgåver og krav står i kø. Den 24 år gamle ordførarkandidaten har krevjande oppgåver i vente dersom han blir valt.
Statsministeren er likevel ikkje i tvil om at unge politikarar kan gjere ein like god jobb som eldre kollegaer.
– Eg meiner at ein ikkje skal vere så redd for alder, men heller vurderer enkeltpersonar ut ifrå det dei kan, seier Solberg.
Støtte frå statsministeren kjem godt med i valkampen, men Tvedt veit at han må sørge for valsigeren sjølv.
– Nei, det er opp til meg. Eg meiner at det er viktig å tørre å tenke nytt her i Ålesund, både i forhold til valet og korleis vi ønskjer å organisere kommunen i framtida, seier han.
- Les også:
– Vestlandet er spesielt viktig
Solberg er for tida på ei omfattande reise rundt omkring i landet, og det er ikkje berre unge ordførarkandidatar som får besøk.
– Byane våre er sjølvsagt viktige, og for meg er det spesielt viktig å besøke vestlandsfylka, seier Solberg.
– Vi har også prioritert å besøke plassar der vi skiftar kandidatar. Dei treng ofte litt ekstra draghjelp for å bli kjent, held ho fram.
- Les også: