Fleire av politikarane på borgarleg side i fylkestinget i Møre og Romsdal ønskjer å få fjerna sukkeravgifta. Avgifta rammar saft- og brusprodusentane og Oskar Sylte Mineralvann i Molde har gått til kraftig åtak på regjeringa. KrF-politikar Knut Støbakk meiner avgifta er meiningslaus og peikar på at den rammar viktige bedrifter i distrikta. Frank Sve frå Frp meiner sukkeravgifta er ufornuftig.
Rauma, Gjemnes, Surnadal og Averøy er blant 68 kommunar som må setje ned eigedomsskatten, dersom regjeringa får gjennomslag for forslaget om å redusere taket på kommunal eigedomsskatt frå sju til fem promille i statsbudsjettet for 2019. Det skriv Dagens Næringsliv. Til saman tapar dei fire kommunane 11,4 millionar kroner.
Fylkesvaraordførar Gunn Berit Gjerde frå Venstre meiner tilskotsordninga for sjøfolk har kome svært godt ut i regjeringa sitt forslag til statsbudsjett. Regjeringa har lagt inn to milliardar kroner. – Dette er eit viktig bidrag til at reiarlaga skal rekruttere norske sjøfolk, seier Gjerde.
Helseplattforma i Helse Midt-Noreg blir finansiert i regjeringas forslag til statsbudsjett. Det er sett av 575 millionar kroner samla i lån og tilskott for ein felles elektronisk pasientjournalløysing for spesialisthelseteneste, kommunar og fastlegar. Administrerande direktør Stig Slørdahl i Helse Midt-Norge seier han er svært glad for at dei økonomiske rammevilkåra for Helseplattforma no kjem på plass.
Finanspolitiker Fredric Holen Bjørdal fra Arbeiderpartiet mener statsbudsjettforslaget bare innebærer smuler til Møre og Romsdal. Han viser til at det ikke blir penger til nytt fengsel på Sunnmøre eller Stad skipstunnel. Han frykter også for brusproduksjonen hos Oskar Syltes Mineralvannfabrikk i Molde som ikke får et lette i sukkeravgiften.
