Uskadd
Etter ei stund såg han ut til å kvikne litt til, så då sette dei han på snøen utanfor huset. Etter ei lita stund flaug han. Då såg han heilt frisk ut, og vengene fungerte som dei skulle.
- Ei flott oppleving å sjå ein slik fugl på så nært hald, seier Geir Løvbugt.
Hovudverk
- Han hadde nok hovudverk ei stund, men elles ser han ut til å vere i orden, sa ornitolog Alv Ottar Folkestad i Naturtelefonen fredag 27. mars, etter å ha sett bilda av sporvehauken. Han fortel at dette er ei vaksen hoe, og at det er typisk at det kan sjå ut som vengene er skadd når desse fuglane kolliderer med noko. Men oftast greier dei seg etter ein samanstøyt, om den ikkje er alt for hard.
