Styret i møbelkonsernet Hjellegjerde arbeider framleis med å finne ei løysing for selskapet.
Ikkje godkjent forslag
Fleire aksjeeigarar har framleis ikkje godtatt forslaget som styret la fram i går, og som innebar at selskapet Interstil skulle overta kontrollen.
Det kan medføre at selskapet blir slått konkurs.
67 prosent av aksjonærane må seie ja til tilbodet, om avtalen skal bli gjeldande.
Arbeider på spreng
Styret arbeider no på spreng for å endeleg få på plass avtalen.
Det har vore ei hektisk veke og konkursspøkelset heng heile tida over den tradisjonsrike møbelbedrifta med base i Sykkylven.
Styremøtet kjem truleg til å halde fram ut over ettermiddagen, og det er venta ei endeleg avklaring i løpet av kvelden.
