NRK Meny

Somna i framand fritidsbåt

Ein mann i 30-åra blei funnen sovande i ein fritidsbåt i Ålesund i natt. Problemet var berre at mannen var ukjent for båteigaren.

Kamera på politiuniform

Politiet i Møre og Romsdal hadde relativt vanlege hendingar å ta seg av natt til søndag.

Foto: Politiet

Politiet blei dermed kopla inn, og dei ga den ubodne gjesten alternativ overnatting. Same adressse fekk ein mann i 50-åra. Han blei funnen sovande i vegbana i Ålesund sentrum.

I same by måtte politiet også ta seg av eit slagsmål. Ein person blei slått i ansiktet, men politiet fekk raskt kontroll på to gjerningspersonar.

Tre personar blei dessutan viste bort frå Ålesund sentrum fordi dei var sterkt rusa.

Leiteaksjon

Like før midnatt blei det sett i gang søk etter ein sakna 17 år gamal gut i Kristiansund. Men aksjonen blei raskt avslutta då guten blei funnen etter kort tid. «Alt vel», opplyser politiet.

Seint i natt blei ein mann tidleg i 20-åra stoppa på E39 på Mjelve i Molde. Han er mistenkt for køyring i ruspåverka tilstand.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.