Veksthuset er næraste nabo til Kongebjørka, Fredslunden og Glomstua, og klokka 12 tysdag opna dei dørene for publikum for 15. gong under Moldejazz.
Då NRK Møre og Romsdal tidleg tysdag morgon snakka med Leif Sverre Hoel, prosjektleiar for arrangementet, hølja det ned. Men Hoel var trygg på at nettsida yr.no hadde rett, sola ville komme. Og då publikum strøymde til i hundrevis i 12-tida, kom også sola!
Veskthuset sjølv, foreininga Veksthusets venner og Moldejazz vil at dei som er i Molde under festivalen skal få kjennskap til det tilbodet som eksisterer for rusavhengige som ønskjer å leve rusfritt. Her var informasjon om Veksthuset, her var eventyr og aktivitetar for barn og her var musikk og dans ved Jazzlogen og Studio 11. Og sjølvsagt kaker, svele og vaflar!