For no skal publikum endeleg få bukt med tårene. På Nordsia aktivitetssenter rullar, knyt, pakkar og danderer dei tilsette.
Det er «snufseklutar» som blir preparert.
Det er ein ny oppfinning, hevdar dei, og fem hundre snufseklutar skal hjelpe eit tårevått publikum under Gurispelet. Det startar torsdag 19. juli og varer til 22. juli.
– Folk seier alltid at Gurispelet er noko av det mest gripande dei har vore med på. Å sjå fru Guri av Edøy, seier Leif Ole Husfest, næringskonsulent i Smøla kommune.
– Så no tek de ansvar?
– Ja, no tek vi ansvar. Snufseklut skal vere tilgjengeleg for alle som treng det!
(Saka held fram under bildet)
Magien skjer på aktivitetssenteret
Alt er snart klart for eit nytt Gurispel, 23 år etter urpremieren på Smøla. Nyvinninga er då «snufseklut», og det blir produsert heile 500 stykk.
– Det er lommetørkle, det må vi innrømme.
– Men når dei no er i hendene på dei her på aktivitetssenteret, rulla saman og lagt fint oppi ein pose. Då blir det ein snufseklut, smiler Husfest.
- LES OGSÅ:
- LES OGSÅ:
- LES OGSÅ:
Klutane er derimot ikkje det einaste ...
(Saka held fram under bildet)
Gåvedryss!
For «snufseklutane» får følgje, før folk som tek turen til Gurispelet og Smøla får dei i hende.
Skeptikarar skal lokkast med gratis konglomeratstein. Kari Dalen Nordseth er ein av leiarane på Nordsia aktivitetssenter, og hjelp til med pakking og rulling.
– Konglomeratsteinen, den er sett saman av mange andre steinar, som har festa seg saman. Ikkje sant, Trond?
– Ja, svarer Trond – som jobbar på aktivitetssenteret.
– På Smøla er det på Edøya, der Gurispelet er, at førekomsten av steinen er størt, seier Dalen Nordseth vidare.
Og etter kunnig klargjering, pakking og pynting er både snufseklutar, stein og anna klart. Då gjenstår det berre ein tur på Gurispelet på Smøla?