Ekstra mannskap måtte innkallast og heile brøytestyrken var ute på jobb frå rundt klokka 04.30 i dag tidleg.
Det var Molde kommune som var spesielt hardt råka i dag tidleg og brøytesjåførane måtte konsentrere seg om dei mest trafikkerte vegane i første omgang.
Først utover formiddagen kan sidevegane bli brøyta. Situasjonen var slik at når brøytebilane hadde tatt ei runde så var det nesten like mykje snø då dei kom tilbake til startpunktet.
Seksjonsleiar Ivar Hol ved Vegkontoret seier at Nordmøre og Sunnmøre har fått mindre snø enn venta i natt.
- Det ser ut som om Molde har fått alt i denne omgang.