Denne pakken blei funnen søndag.
Foto: Otto Jan Hoddevik– Då vi demonterte «bomba» fann vi mange gjenstandar, som leidningar, teip, rot og rusk. På bakgrunn av tekniske spor klarte vi å få identifisert mannen i 30-åra, fortel Sula-lensmann Frode Haugen.
– Vi ransaka huset til mannen og fann tilsvarande gjenstandar. Han har erkjent i avhøyr at det er hans ting, og at det kjem frå han, men han har ikkje formelt erkjent at han laga «bomba».
Det han derimot seier er at i alle fall to andre skal ha stole frå han og laga «bomba».
Lensmann Haugen meiner derimot at det er svært lite sannsynleg.
– Han skuldar på andre, mellom andre to andre menn som begge sit fengsla.
Åse Hoddevik likte ikkje den mistenksame pakken.
Foto: Ivar Eidheim / NRKPakke med «eksplosiv»-merke
Det var no søndag at ein svært mistenkjeleg pakke blei funnen i Langevåg.
Pakken hadde «eksplosiv»-kjenneteiknet på seg, og var tett pakka og surra saman med teip. Situasjonen blei sett på med stort alvor, og .
– Vi kan ikkje seie noko om oppdraget, sa ein av dei innflogne ekspertane til NRK etter framkomst måndag.
Åse Hoddevik, i Langevåg, som fann pakken blei éi av mange før politiet til slutt fekk destruert «bomba».
– Dette er ikkje noko triveleg i det heile teke. Det kan vere sprengstoff i pakken eller det kan berre vere nokon som har gjort rampestrekar, sa Hoddevik.
Saka held fram under videoen.
– Ikkje noko psykisk
Etter mellom anna røntgen og grundige undersøkingar, . I dag tysdag blei ein mann i 30-åra arrestert i Langevåg.
– Han blei teken inn til avhøyr på lensmannskontoret og sikta for å ha laga «bomba», slår lensmann Haugen fast til NRK.
Den sikta har altså erkjent at alle tinga som blei funne i pakken stammar frå han, men han har ikkje tilstått å ha laga pakken.
– Men det er berre han som kan ha laga den, for det er berre han som har tilgang til boda med alt utstyret.
– Vi veit vidare at det ikkje er gjort for å skape frykt. Det er tilfeldig at pakken hamna der han hamna. Det er ingenting i «bomba» som hadde noko med bombe å gjere, fortel Haugen.
Mannen som i dag blei avhøyrt er ein kjenning av politiet.
– Men det er ikkje noko psykisk inne i bildet, seier Haugen.
Funnet av, det som kunne vere, ei bombe, blei tatt på høgste alvor av politiet.
Foto: Sara Lovise Roaldseth / NRKBlir ikkje varetektsfengsla
Per no meiner politiet at saka er godt nok belyst, og at rett mann blei arrestert. Varetektsfengsla blir 30-åringen derimot ikkje.
– Vi har sloppe han ut, då vi ikkje såg nokon grunn til å varetektsfengsle han. Han vil bli kalla inn til nye avhøyr.
Saka blir derimot etterforska vidare, og mannen kan vente seg ein straffereaksjon.
– Juristen får avgjere straffereaksjon når saka er endeleg etterforska, avsluttar Frode Haugen ved Sula lensmannskontor.
