NRK Meny

Idrettskretsen skuffa over OL-nei

I går vart alle draumar om OL knust. Heidi Falkhytten, leiar i Møre og Romsdal idrettskrets, er svært skuffa.

Heidi Falkhytten, ny leder i idrettskretsen

Heidi Falkhytten hadde eit stort håp om OL i Oslo i 2022.

Foto: Gunnar Sandvik / NRK

Artikkelen er mer enn to år gammel.

Onsdag bestemte Høgres stortingsgruppe at dei ikkje vil støtte eit OL i Oslo, og dermed vert planane om OL i 2022, stansa. Oslo kommune trakk søknaden om statsgaranti.

Skisse for OL i Oslo i 2022

Ein av reklameplakatane for Oslo-OL viser skiløparar på full fart gjennom Kvadraturen i Oslo.

Foto: Eva Marie Bulai

Heidi Falkhytten er leiar i Møre og Romsdal idrettskrets. Ho og idrettstinget har arbeidd for å få OL og Paralympics til Oslo. Blant anna var dei på eit ekstraordinært idrettsting i Stjørdal i 2012, der kravet var at det måtte på plass ein statsgaranti og at idretten ikkje kunne bere kostnadene åleine.

LES OGSÅ:

Svært skuffa

– Vi meinte at med eit OL kunne vi gi idretten eit nasjonalt løft, gjennom auka aktivitet og inspirasjon av unge, seier Falkhytten.

Også kompetanseutvikling og ein ny standard for funksjonshemma ville kome dersom ein hadde fått OL, meiner ho. Ho innrømmer at ho er svært skuffa etter gårsdagens avgjerd.

Bygge anlegg

Oslo-OL i 2022 ville ha kosta 35 milliardar kroner og motstanden har vore stor. Mange har ynskja å stramme inn på kostnadene og gjere noko med pampefaktoren til IOC.

– Det som er det viktigaste no er bygging av anlegg, få til momskompensasjon og legge til rette for at dei som driv den enorme dugnaden for barn og unge, får gode rammevilkår, seier Falkhytten.

– Kor lenge trur du det går før vi kan legge inn ein ny søknad?

– Eg tenkjer at no må vi konsentrere oss om dei arrangementa vi har og ta godt vare på idretten og kome tilbake seinare.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.