Klokka 15 i ettermiddag er det allmøte på bedrifta, og i morgon kjem leiinga ved Norsk Wavin til Surnadal.
Ordførar Bergsvein Brøske seier at dei i løpet av dagen skal byggje opp ei argumentasjonsrekkje som dei skal møte Wavin-leiinga med. I staden for nedlegging kjem dei tilsette og kommunen til å foreslå at avdelinga i Surnadal blir utvida.
- Vi trur dei vil lytte til oss, seier Brøske. Han er klar over at det blir ei vanskeleg sak. Bedrifta har alt vore gjennom ein tung prosess som har munna ut i konklusjonen om å leggje ned avdelingane i Surnadal og Halden og flytte produksjonen til Høland og Danmark.
Norsk Wavin AS har til saman 150 tilsette.