– Eg har blitt meir og meir nøgd med karrieren, så det kjenst veldig rett. Eg har mange draumar som eg har lyst til å følge no, sier ho til NRK.
Solemdal har totalt seks VM-gull og ein bronse frå mix-stafett og stafett. Det siste VM-gullet på stafett tok ho no i vinter.
Manglar motivasjon
Det først og fremst mangel på motivasjon som gjer at Solemdal no gjev seg.
Ho har tenkt lenge på å gje seg, men begynte å først å seie det til folk i helga at ho har bestemt seg.
– Eg har heile tida skuva det foran meg og gjennomført sesongen etter beste evne. Det var heile tida planen å kjenne på det etter sesongen.
Jo lenger uti sesongen ho kom dess meir kjente ho ei aukande lyst til å gjere andre ting.
– Samstundes har det vore eit utruleg artig og fint liv med skiskyting, så det er det litt tungt òg å gje slepp på, seier Solemdal.
På spørsmål om kva minne nordmøringen kjem til å hugse best, er det VM-gullet i stafett i Holmenkollen i 2016 som står ut.
– Det var ei heilt uverkeleg oppleving der vi kom som skikkeleg underdogs og klarte å ta gullet, seier skiskyttaren.
Gler seg til å studere
Til hausten har 30-åringen planar om å studere.
– Å studere er ein draum eg alltid har hatt. Det har vore ein av dei tinga eg kjenner eg har ofra ved å satse. Eg gler meg veldig veldig masse, seier Solemdal.
– Har du bestemt deg for kva?
– Ikkje 100%, men akkurat no ligg det an til at eg har lyst til å bli ingeniør.
I tillegg håpar ho gå fleire turar, samt at ho får brukt meir tid med vennar.
Solemdal debuterte i verdscupen i skiskyting i 2008/09-sesongen.