Ski og snø i Møre og Romsdal

Stenger stolheisa på Strandafjellet

Strandafjellet skisenter stenger stolheisa i dag, på grunn av kulda. Ifølgje skisenteret er det no minus 20 grader i botnen på trekket, og minus 16 grader på toppen.

Resten av trekka er opne, men marknadssjef for skisenteret, Mari Riksheim, seier det ikkje er trygt å bruke stolheisa no når det er så kaldt.

– Det skal vere trygt for gjestane våre å site oppi. Viss vi må stoppe for midlertidige stopp eller evakuering, så blir det alt for kaldt å site der. Berre nokre minutt blir for lenge.

Dei vurderer time for time, men Riksheim seier det ser ut til at dei kan måtte halde stolheisa stengt også i morgon.

Klare for sesongopning

Både Hornindal skisenter og Strandafjellet skisenter sesongopnar i morgon.

Det er fleire år sidan Strandafjellet skisenter har opna så tidleg som i november.

Skisenteret har produsert mykje kunststnø og i tillegg kom det påfyll av ekte snø, så alt er klart for opningshelg, seier marknadssjef Mari Riksheim.

Gode forhold i fleire skianlegg

Fleire skianlegg har ope i romjula, medan nokre ventar på meir snø og må halde stengt til nyåret. I Rauma, Ørsta og Volda er det for lite snø til å opne no, men det er fine forhold i langrennsløypene. Til dømes Strandafjellet Skisenter og Surnadal Alpinsenter (bilde) melder om stor pågang og gode skiforhold.

Varsel om stor snøskredfare

Faren for snøskred i Trollheimen, Romsdal, Sunnmøre og indre Fjordane aukar til stor frå onsdag, melder Varsom.no. Store nysnømengder og vind fører til omfattande ustabile forhold. Ein bør vente seg naturleg utløyste skred og unngå skredterreng.

Utbygging til 18,7 millioner

Skaret skisenteret i Molde har vedtatt og planlegger en utbygging til 18.750.000 kroner i 2020. Skisenteret jobber med å få på plass finansieringen. De har søkt om penger fra Romsdal Regionråd og ønsker økonomisk støtte fra næringslivet, i tillegg til egenkapital. Senteret er skisportens regionale anlegg for rulleski, langrenn og skiskyting i Møre og Romsdal. Etter de planlagte investeringene vil anlegget kunne arrangere store nasjonale og internasjonale konkurranser for rulleski og rulleskiskyting, skriver styret i en pressemelding. Det er også planlagt utvidelse av rulleskiløypa og lysløypa og det blir ny bro i betong som erstatning for dagens trebru. – Det er den største utbygginga i Skaret skisenteret sin historie, sier styreleder Ragnar Valle.