Frå fly til bil til ferje. Det går unna når ein skal rekke Noreg på ein dag.
Foto: Roar Halten / NRKHan er framleis ved godt mot etter 14 tilbakelagde fylke. Så langt. I føremiddag landa den rekordsugne globetrotteren på Kvernberget flyplass i Kristiansund. Men han hadde ikkje tid til å bli.
–No skal vi frå fly til bil. Vi skal køyre nordover til Nord-Trøndelag og Sør-Trøndelag. Og så flyg vi vidare til dei nordlegaste fylka etter det.
Frå 198 til 19
19 fylke på eitt døgn høyrest imponerande ut. Men Garfors frå Naustdal i Sogn og Fjordane har vore ute på tur før. I 2012 nådde han sitt eige mål om å besøke alle 198 land i verda og hamna med det i Guinness rekordbok.
–Det var ein gal idé som eg fekk då eg var i Istanbul for nokre år sidan. eg kryssa Bosporos-sundet på to minutt og då var eg både i Asia og Europa på kort tid. Då byrja eg å lure på kor mange verdsdelar det gjekk an å besøkje på ein dag, sa Garfors til NRK den gongen.
Skriv bok om å reise jorda rundt
Men tilbake til Noreg og 19 fylke på eitt døgn. For det er ikkje heilt tilfeldig at globetrotteren har lagt opp til ein lynkjapp norgesturnèen. Høvet er ei reisebok om nettopp dei 198 landa han har besøkt.
-Alle fylke på eitt døgn. Det har ingen gjort før, og det samsvarar godt med ånda til boka. Alle land, alle fylke, seier Garfors.
Opptatt av tal
Han er over snittet interessert i statistikk og rekordar. Då han såg ein reportasje på tv om ein som "samla " på flyplassar, måtte han også telje. No har han kontroll. Stålkontroll. Berre høyr kommentaren då han landa på Kvernberget.
–Dette er flyplass nummer 302 for meg. I dag tidleg hadde eg besøkt 301 flyplassar i verda, men dette er ein ny til statistikken, seier Garfors til NRK.
- Les også:
Kom heilt i mål
Tilsette på Kvernberget tok i mot
Foto: Roar Halten / NRKOg det har ikkje mangla på merksemd langs ruta.
–I Florø fekk eg ukulele og fantastisk song med namna til alle dei 198 landa i verda. Heilt fantastisk!
- Sjå fjernsynsreportasjen om turen her:
