Trafikkulukka var mellom ein varebil og ein lastebil med henger, melder politiet. Føraren av varebilen er sendt til sjukehus med lettare skader. Personen var medviten heile tida. Sjåføren av lastebilen er uskadd.
Vegen er no opna med manuell dirigering forbi ulukkesstaden.
– Vi driv vekseldirigering og satsar på at vi vert fort ferdig, slik at trafikkavviklinga går greit, seier innsatsleiar Joachim Olsvik.
Tidlegare vart personbilar råda til å køyre via Gjermundnes vidaregåande skule.