Sjå Vassendgutane på TV fredag kveld

Programmet går på hovudkanalen NRK1, rett etter Nytt på Nytt og før Detektimen.

• Her er programmet i NRK sin nettspelar

Bassist og vokalist Sindre Aam er svært fornøgd med at Vassendgutane no kjem på TV igjen.

– Dette er kjempesvært for oss. Vi spelte på jubileumskonserten til Ole Ivars. NRK var der og filme, og fortalde at dei kanskje skulle bruke opptaka med oss også. Og opptaka har vore så gode at NRK har valt å bruke dei, seier ein glad Sindre Aam.

• Les også: Vassendgutane får eige program

Aam karakteriserer dette som ein skikkeleg Vassendkveld. Dei hadde slett ikkje planlagt at dette skulle bli til TV-program, men slik har det altså blitt.

– Dette er god sendetid som vi berre kunne drøyme om, og vi er veldig fornøgde med dette, seier han.

• Les også: Møtte kjæresten på countryfestival
• Les også: – Festi e' slett ikkje slutt

Vassendgutane har lagt ein aktiv haust bak seg. Sindre Aam fortel at dei har hatt berre to frihelgar sidan juli.

– Og no står jula for døra, med konsertar i både Sykkylven og Vanylven, seier han.

Festcountrybandet frå Åmdalen arbeider med ny plate som kjem i mai.

– Vi føle vi har fole til medvind for tida. Neste sommar er alt fullbooka, seier ein oppglødd Sindre Aam.