NRK Meny

Prøvde å true til seg pengar frå drosjesjåfør

Ein mann i midten av 20-åra blei i går pågripen for truande oppførsel, skadeverk og bråk.

Politi illustrasjon

Illustrasjonsfoto: Ein mann i midten av 20-åra sit no i arresten i Kristiansund sikta for truande oppførsel, skadeverk og bråk.

Foto: Kyrre Lien/Scanpix

Det var laurdag kveld at politiet måtte rykke ut til Sunndal etter meldingar om bråk i sentrum.

– Vi fekk fleire meldingar om ein gjeng med ungdomar som gjorde skadeverk utanfor ein matbutikk i Sunndal, fortel Frode Gjøsund, operasjonsleiar for politiet i Nordmøre og Romsdal.

Personane skal mellom anna ha knust ein del gjenstandar utanfor butikken og sparka og bulka eit par bilar.

Prøvde å ta pengar frå drosjesjåfør

Ein mann skal også ha prøvd og true til seg pengar frå ein drosjesjåfør.

– Dette blei hindra av andre drosjesjåførar på staden, seier Gjøsund.

Etter dette prøvde mannen også å true til seg pengar frå ein kafe like i nærleiken. Heller ikkje her lukkast mannen.

Mannen i midten av 20-åra blei etter kvart pågripen av politiet og frakta til arresten i Kristiansund. Han er sikta for truande oppførsel, skadeverk og bråk.

– Han sit framleis i arresten og vi vil avhøyre han og fleire vitne etter kvart.

Politiet vil så vurderer vidare varetektsfengsling av mannen. Ifølgje Gjøsund skal 20-åringen ha vore involvert i liknande episodar tidlegare.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.