Tobarnsmora og juristen Kine Paola Sæter frå Surnadal tok i helga ein tredjeplass for landets best trente i bikini, i klassen under 163 centimeter. Ho stilte i lilla, glitrande småplagg og knallharde musklar, og gjorde suksess.
33-åringen stilte i lilla glitterbikini under Oslo Grand Prix i helga.
Foto: privat– Eg kunne ikkje venta å få førsteplassen, men det er klart at eg kjenner at det hadde vore kjekt å ha, seier ho.
Les også:
Feira med vin, brød og brus
Kine Paola Sæter feira med både vin, brus og brød laurdag kveld.
Foto: privat33-åringen er ein av landets ferskaste innan Fitnesskonkurransar, og har berre deltatt ein gong før. Då vann ho. Denne gongen kom ho altså på tredjeplass blant 10-11 utøvarar. I går kveld feira ho med vin, brus, brød og bakverk.
– Brød med smør har eg ikkje ete på lenge, og så gjekk eg innom ein kiosk og kjøpte små bakverk til å ha utover kvelden, ler ho.
Usikker på framtida
Kine Paola Sæter har trent i årevis, og har blitt 33 år. Dermed er ho langt frå dei yngste som stiller i bikini. Korvidt det blir ein ny konkurranse veit ho ikkje.
– Eg gjorde dette først og fremst for å bevise for meg sjølv at eg kunne klare det. No får vi sjå. Trening og godt kosthald held eg uansett fram med, det er ein livsstil, seier ho.
