Rykhus på Ap-toppen

Sidsel Rykhus blir Arbeidarpartiet sin ordførarkandidat i Molde ved kommunevalet til hausten.

Sidsel Rykhus
Foto: Trond Vestre / NRK

Det er klart etter etter eit svært spanande nominasjonsmøte i går kveld.

Rykhus fekk topp-plassen på kommunevallista med ein stemme meir enn Frank Sæther som nominasjonsnemnda hadde foreslått.

– Dette er både skummelt og spanande, og er kjempeklar for oppgåva, seier Rykhus.

– Er det bra at det er kamp om toppen?

– Ja, det er kjempebra. Det er viser at det eit engasjement i Molde Arbeidarparti. Og så blei det jo veldig jamnt, seier Rykhus.

Tøff valkamp

Rykhus er førebudd på at det kan bli ein tøff valkamp for Arbeidarpartiet i Molde på grunn av sjukehussaka. Denne saka er vanskeleg for Arbeidarpartiet fordi helseministeren vil utsette byggestarten på Molde nye sjukehus med 6 til 8 år, og resultatet kan bli eit felles sjukehus for Nordmøre og Romsdal ein annan stad enn i Molde.

– Ja, det blir tøft og det er vi veldig klar over. Vi må sjå først kva som skjer i sjukehussaka, og så får vi ta fatt på resten. det er jo blitt sagt her i kveld at det mykje anna vi skal jobbe for også, seier Rykhus.