No er det tryggare å køyre Stranda – Hellesylt

Tunnelen ligg på nærast flat mark i dalbotnen på Røyr. Men rundt tunnelen reiser det seg høge fjell. Og stort sett kvar einaste vinter har snøen rasa ned fjellsidene, og ofte har vegen blitt stengd.

Tunnelen skal verje vegfarande mot skred som går i to fonner. Dette er Vassfonna og Røyrafonna.

Dette er altså ikkje ein tunnel slik vi kjenner dei til vanleg, der dei oftast er sprengde som hol gjennom fjellet. Her er det snakk om ein røyrtunnel i betong, eller eit halvrøyr i betong som bilane kan køyre gjennom.

Tunnelen er på 440 meter og er ein del av rassikringsarbeidet mellom Stranda og Hellesylt.