Ekornes-konsernet har i ei årrekkje satsa sterkt på å automatisere store deler av produksjonen. Denne gongen er det avdelinga på Grodås som har teke utviklinga nokre steg lenger.
Dei siste åra har avdelinga på Grodås arbeidd med å robotisere samansetting av treverk. Prosjektet har gått over fleire år.
I den siste nyvinninga har avdelinga sett i gang ordinær produksjon der dei i set saman sofaskrog med 5 robotar.
– Dette er ei unik produksjonscelle i verdssamanheng, og den er spesielt utvikla for Ekornes, skriv fabrikksjef Knut Ove Rygg i ei pressemelding.
Den 18. august skal Sogn og Fjordane Fylkeskommune ha fylkesutvalsmøte i Hornindal. I samband med dette skal fylkesordførar Åshild Kjelsnes gjennomføre ei høgtidleg opning av produksjonscella.