Overskotet på 509 millionar kronar er ein oppgang på 146 frå førre kvartal. Det er også 470 millionar kroner samanlikna med første kvartal i fjor.
– Vi legger bak oss det beste kvartalet i Hydro Sunndals historie, seier fabrikksjef Martin Sagen.
Det er no ni år sidan førre kvartalsrekord vart sett i 2006.
- Les også:
Lysare tider
Sterk dollarkurs, høge prisar, godt sal og stabil drift er nokre av årsakene til det gode resultatet.
Hydro Sunndal har tidlegare slite med dårlege tider i aluminiumsbransjen, svake resultat og permitteringar. Fabrikksjefen er no glad for at dei går lysare tider i møte.
– Det er generelt god drift i heile fabrikken, men det er spesielt gledeleg at drifta i Su4, den nyaste produksjonslinja, er veldig god, med høg og stabil produksjon seier Sagen.
- Les også:
Må fortsette å satse
Hydro har sidan i fjor jobba med å starte opp igjen den stengde kapasitet i produksjonslinja Su3. Sagen forventar at oppstartsarbeidet er ferdig i løpet av første halvdel av juni. Då vil elektrolysen ved Hydro Sunndal vere tilbake på full produksjonskapasitet for første gong sidan finanskrisen slo inn over aluminiumindustrien for fullt i 2009.
– Restarten av Su3 er veldig positiv for verket. Den gir fleire arbeidsplassar og er samtidig med på å gjere oss meir finansielt robuste, seier han.
Til trass for det historiske resultatet meiner Sagen det er viktig å framleis arbeide for å bli betre.
– Vi kan ikkje bestemme etterspørselen, men vi avgjer sjølv kor flinke vi er til å kontinuerleg forbetre oss slik at vi holder oss eit hestehovud framfor konkurrentane våre, seier han.
- Les også:
