NRK Meny
Normal

Redda seg ut av brennande hytte

Tre personar kom seg uskadde ut då det starta å brenne i ei hytte i Aure på Nordmøre. Hytta er no heit nedbrend.

Brann i Aure

Like før klokka 06 i dag tidleg vart brannen meld. Alle i hytta kom seg ut sjølv.

Foto: Anders Haltbakk

Det var klokka 05.48 at brannvesenet fekk melding om hyttebrannen på Mjosundet i Aure.

– Dei tre personane som var i hytta kom seg ut sjølve og fekk meldt frå, seier Rian Morrison. Han er operatør ved 110-sentralen.

Hyttebrann på Mjosundet

Brannvesenet har drive ettersløkking i morgontimane.

Foto: Ivar Torset

Hytta ligg i eit eldre hyttefelt . Det var ei stund fare for at brannen skulle spreie seg, men brannvesenet fekk raskt kontroll. Hytta er no heilt nedbrend.

Brannvesenet held framleis på med ettersløkking, ifylgje 110-sentralen. Politiet er på staden for å starte etterforsking.

– Det er for tidleg å seie kvar brannen har starta og kva som er årsaka, seier Jan Stavaas. Han er operasjonsleiar ved Nordmøre og Romsdal politidistrikt.