– Eg er trygg på at dette kjem til å gå bra, seier Vidar Skiri som er talsmann for grunneigarane i dei åtte vassdraga som no skal behandlast for andre gong.
Skiri fortel at det er teke nokre få laks i Rauma også i år, men ikkje mange. Men, det er å forvente etter mange år med parasittangrep.
– Denne veka skal vi avslutte arbeidet med å bli kvitt parasitten. Då skal vi over i den positive oppbyggingsfasen for alle elvar som har vore infisert her i kommunen, seier Vidar Skiri.
–Grundigare behandling
I fleire ti år har lakseparasitt, gyrodactylus salaris på latin, øydelagt mange norske lakseelver, også Rauma og dei sju andre vassdraga inst i Romsdal. Det har blitt gjort forsøk på tiltak for 10 år sidan, men parasitten var tilbake få etter behandlinga med gifta rotenon.
No er kunnskapen og ressursane mykje betre, og i fjor starta ei ny behandling av Rauma i regi av Veterinærinstituttet og Fylkesmannen i Møre og Romsdal. Da blei alle vassdraga i området grundig behandla med rotenon, som tok knekken på all laksen og auren i elvane i området.
Denne veka startar andre runde, som inneber ei ny behandling med rotenon av like stort omfang som i fjor.
No er den ein overveldande optimisme om at ny rotenonbehandling av Rauma skal friskmelde vassdraget for godt.
– Behandlinga vil vere mykje grundigare enn sist. Alle stader det har blitt gjort to behandlingar to år på rad, har vore vellukka, seier Skiri til NRK.
- Les også:
Erfaring frå Steinkjer
Årsaka til den store optimismen er gladmeldingane som tikka inn frå Steinkjer i Nord-Trøndelag i førre veke. Der er det like før ein friskmelder heile Steinkjervassdraget frå parasitten som har øydelagt laksen dei siste åra.
– Det er veldig oppløftande det som skjer. Steinkjer er eit område vi har streva med lenge, seier Trond Haukebø hjå Fylkesmannen i Møre og Romsdal.
Han seier eit auka budsjett med meir mannskap og utstyr har gjort at ein har fått eit heilt anna grep i kampen mot lakseparasitten.
- Les også:
Begynner behandlinga onsdag
Måndag samlar elveeigarar og aktørar frå Fylkesmannen og Veterinærinstituttet seg på Setnesmoen for å klargjere til storaksjonen. Måndag og tysdag vert brukt til å gjere seg kjend med geografien og sjekke utstyr, medan behandlinga begynner på Slettafossen onsdag.
– Teamet skal begynne arbeidet onsdag i Rauma og vil sidan også rotenonbehandle Istra, Isa & Glutra, Innfjordelva og Måna til sist, opplyser Haukebø.
- Les også:
- Les også: