Kåsøren, musikaren, humoristen, journalisten og kulturarbeidaren Arild Hoksnes får mandag utdelt Møre og Romsdal fylke sin kulturpris for 2005.
Nødvendig
Kulturprisvinnaren etterlyser no ei eiga utdanning for profesjonelle kulturarbeidarar. Hoksnes meiner det er nødvendig å profesjonalisere store delar av kulturlivet for at det skal overleve.
Flire stadar i utlandet og ved NTNU i Trondheim kjem no slike studium på høgskule og universitetsnivå som vil skulere folk til jobbarenaen som kulturlivet er, seier Hoksnes.
Samarbeid
Hoksnes ser i første omgang for seg eit samarbeid mellom høgskulane i Volda og Molde.
- Eg ser at det er ei mangelvare med kunnskap om alt ifrå gjennomføring til kunseptutvikling innan kulturlivet. Vi som driv som kulturarbeidarar lærer det litt undervegs, men det er viktig å få konkrete studietilbod for folk som vil arbeide i kulturlivet, seier Arild Hoksnes.
Interessant
Rektor ved Høgskolen i Molde, Martin Risnes, meiner forslaget er interessant.
- Vi har vore inne på tanken om ei slik utdanning. Vi har allereie kompetanse innanfor kultur og gjennom eit samarbeid med Høgskulen i Volda burde vi kunne få til dette, seier han.