Prisdryss til merkevarer frå Møre og Romsdal

Hopp til innhold

Prisane for «Årets merkevarebygger», «Årets kontraktsprodukt» og «Klassikerprisen» blei henta heim til Møre og Romsdal av høvesvis Ekornes i Sykkylven, industridesignarane Rom & Tonik i Ålesund og Fjordfiesta i Molde.

Himling av saueull

Aller mest spennande er kanskje produktet FeltCeiling som industridesign-duoen Rom & Tonik står for, nemleg dekorative akustikkdemparar for tak laga av rein ull. Ulltaket blei kåra til «Årets kontraktsprodukt».

Ein svært god idé og eit enkelt, fleksibelt og dekorativt produkt, seier juryen blant anna. Grunnleggar, industridesignar og halvparten av Rom & Tonik, Birgitte Linde Røsvik, er svært glad for prisen.

– Dette er veldig, veldig gøy! Vi har hatt eit par tøffe og magre år sidan vi starta opp, så det betyr svært mykje for oss å bli anerkjente for det vi driv med på denne måten, seier Røsvik.

Rom & Tonik blei til då Røsvik, som er frå Vigra, og Mats Solberg frå Oslo studerte industridesign ved NTNU i Trondheim då dei utvikla ideen til støydemping og romskiljarar laga av ull.

Vann pris i studietida

Forretningsplanen dei laga var så god at dei vann førstepremie og eit stipend på 70.000 kroner i forretningsplankonkurransen Venture Cup.

– Hadde vi ikkje fått det puffet hadde vi neppe turt å satse slik vi har gjort, seier Røsvik.

Dei tidlegare studiekameratane har hatt to tøffe og magre år, men med støtte frå Innovasjon Norge, hardt arbeid og sterkt pågangsmot er dei klart å slå seg opp. No ser framtida lys ut for dei to gründerane.

«Årets merkevare» til Ekornes

Den nye kolleksjonen til Ekornes i Sykkylven var sterkt medverkande til at konsernet bak eitt av verdas mest kjende møbelmerke fekk prisen for årets merkevare. Juryen uttalte at Ekornes har ei særstilling i norsk møbelbransje og antakeleg kunne ha vunne denne prisen kvart år. Men denne gongen var det altså den nye kolleksjonen som vippa vektskåla.

«Klassikerprisen» til Fjordfiesta

Molde-bedrifta Fjordfiesta vann pris for den vidareutvikla klassikaren Krobo benk. Eit enkelt møbel med stort bruksområde, meiner juryen. Benken har fått tilleggsutstyr som gjer den relanserte klassikaren til eit nytt og tidsmessig produkt, skriv juryen i grunngjevinga si.

Årets Merkevare:

Ekornes asa

Juryen uttaler: Bedriften og produktmerket er blant verdens mest kjente møbelmerker. Dette er et resultat av mangeårig arbeid og en planmessig, målrettet merkevarestrategi. Merket er fylt med enkle, forståelige og konsistente verdier som kommuniseres slik at det forståes i markeder over store deler av verden.

Vinneren kunne antakelig vunnet denne kategorien hvert år og står i en særstilling i norsk møbelbransje. Når juryen fester seg særlig ved bedriften i år har det bakgrunn i lanseringen av en helt ny kolleksjon som henvender seg til nye målgrupper og som kommuniseres i en gjennomarbeidet og metodisk forbilledlig måte. De aller fleste bedrifter både i og utenfor bransjen har mye å lære av årets vinner og metodene har overføringsverdi til bedrifter som har andre karakteristikker enn vinneren.

Årets Klassiker:

Krobo benk fra Fjordfiesta

/UtopiaModern – design Torbjørn Afdal – og Anderssen&Voll.

Juryen uttaler: Prisen Årets klassiker gis til et enkelt møbel med et stort bruksområde. I sin barndom spilte møbelet en viktig rolle som mediemøbel, sittemøbel og avlastningsmøbel. Møbelet er en verdig representant for sekstitallets forenklede formspråk og tro på funksjonelle kvaliteter. Klassikeren er relansert i samarbeid mellom møbelbedriften fjordfiesta og vintage forretningen Utopia Modern – et uvanlig, men fruktbart, samarbeid som forener markedsforståelse, produksjonskompetanse og designforståelse. Produktet fremstår som en relansert klassiker, med nydesignede aksessorier. Anderssen&Voll har utviklet tilleggsprodukter som bidrar til å gjøre dette til et nytt produkt. En nyutvikling som ikke gjør vold på det opprinnelige produktet, men gjør det nytt og tidsmessig.