Politiet: – Russen har oppført seg bra

Det har vore lite å gjere for politiet på Lillehammer, der åtte tusen russeungdommar er på landstreff. Mange av dei er russ frå Møre og Romsdal.

– Det er mange ungdommar samla, så det kan fort oppstå noko. Men jamt over har det gått bra, seier operasjonsleiar Jon Wiberg i Innlandet politidistrikt til NTB.

• Les også: Strenge sikkerhetstiltak for russen - sjekkes for dop og kniver

Fredag hadde politiet nesten ingen ting å melde. Laurdag noterte dei seg fire slåstkampar. Men ingen har blitt skadd.

På Lillehammer har russeflokken blitt nøye sjekka og kroppsvisitert før dei har fått kome inn på Birkebeineren skistadion. Vaktene har også gått gjennom bilane og bussane som skulle inn.

– Mesteparten av russen er fin og god ungdom, og eg trur treffet på Lillehammer er veldig godt organisert, seier Ann Karin Sundgården i Innlandet politidistrikt til NRK.

• Les også: Russepresident: – Det har gått for langt

I heile landet har totalt 21 000 russeungdommar deltatt på russearrangement. Men det blir ikkje meldt om alvorlege hendingar.