SISTE: Politiet melder like før kl. 14 at dei har tatt gjerningsmannen.
Den skadde mannen i trettiåra er sendt til sjukehus for behandling. Politiet søkte etter gjerningsmannen på fleire adresser i sunnmørsbyen. Han er på om lag same alder som den skadde.
Operasjonsleiar Leif Arne Mork ved Møre og Romsdal politidistrikt seier at folk på gata ikkje treng vere redde.
Foto: Arne Flatin / NRKKjente personar for politiet
– Både gjerningsmannen og den knivstukne tilhøyrer eit miljø som er kjent for oss i politiet, seier operasjonsleiar Leif Arne Mork i Møre og Romsdal politidistrikt.
Situasjonen for den skadde er stabil. Han er under behandling på Ålesund sjukehus.
Har fleire vitne i saka
– Er det andre enn dei to innblanda i episoden?
– Det var andre folk i leilegheita. Men dei var ikkje direkte innblanda. Politiet har dermed fleire vitne i saka.
Den knivstukne mannen var ifølgje operasjonsleiaren vaken og greidde å gjere greie for seg då han vart frakta til Ålesund sjukehus litt før klokka 11 laurdag.
