Hopp til innhold

Etterforskar dødsfall i Ålesund

Politiet har starta etterforsking etter at det har blitt gjort funn av ein død person i ein oppgang på ei adresse nord i Ålesund sentrum. Dei trur ikkje det har skjedd noko kriminelt.

Politiet etterforskar dødsfall nord i Ålesund sentrum.

AVSPERRA: Politiet har sperra av eit område nord i Ålesund sentrum i samband med etterforskinga.

Foto: Malin Kjellstadli Korsnes / NRK

– Vi undersøker no kva som kan ha skjedd, seier operasjonsleiar i politiet, Borge Amdam.

Politiet har sperra av eit område og søndag arbeider krimteknikarar på staden for å finne årsaka til dødsfallet. Mannen vart funnen innandørs i ein trappeoppgang søndag ettermiddag av ein privatperson.

Politiadvokat Yngve Skovly seier til NRK at dei ikkje har nokon indikasjonar på at det har skjedd noko straffbart. Politiet jobbar med å varsle pårørande og fastslå identiteten til mannen.

– No jobbar teknikarar på staden og på eit seinare tidspunkt vil mannen bli obdusert. Det er ganske vanleg når ein finn døde personar som ligg åleine, seier Skovly.

Det var Sunnmørsposten som først omtalte saka.