Det er Havforskingsinstituttet som er på tokt, og som har avdekt plastforureininga. Så langt har dei ikkje kome lenger enn til Ålesund, så meir kan bli avdekt når toktet held fram sørover.
– Det er uansett ikkje kjekt å registrere situasjonen vest for Ålesund, seier Bjørn Einar Grøsvik, som er Havforskingsinstituttet sin ekspert på plastforsøpling i havet.
Usikre på konsekvensen
Men som ekspert er han likevel usikker på kva konsekvensen er, bortsett frå at dei veit det tar lang tid før det blir brote ned.
– Men kor lang tid nedbrytinga tar er meir usikkert, men kanskje fleire hundre år. Det er og usikkert kor lenge det blir liggande, og også er det uvisst når og på kva måte det kjem inn i næringskjeda.
Noko av dette kan forskingsinstituttet truleg få svar på gjennom det som er hovudmålet med toktet, som er å ta prøver at botnfisk i heile Nordsjøen.
Men forskarane veit at fuglar og sjøpattedyr døyr når dei set seg fast i søppelet eller får i seg plasten.
Vor.no skriv at enkelte stader er det registrert så mykje som 10 tonn søppel per kvadratmeter. I tillegg kjem det som flyt rundt med havstraumane.
- Les også:
Mest frå fiskeri, noko frå land
– Noko samansett er det nok, men det meste er fiskeri- og skipsrelatert, seier forskaren på spørsmål om kvar plasten kjem frå.
Men noko kjem og frå land, og plasten kan blir altså det som blir transportert med havstraumar over store område.
– Plasten kan bli fjerna frå sjøbotnen, men det aller viktigaste er å hindre at det kjem ny tilførstel av søppel. Viss ikkje bygg det seg opp over tid, seier Grøsvik.