Pastor vil kjøpe mirakelhuset

Pinsepastor Vidar Godø ønskjer å kjøpe "mirakelhuset" i Ålesund, som blei ståande igjen då bybrannen herja i 1904. Møt pinsepastoren og huset:

Ifølgje avisa Dagen har fleire vist interesse for huset etter at NRK nyleg sende innslag om huset i programmet Norsk attraksjon.

Les meir om det populære huset:

• Waldehuset i ilden

Kan bli bønehus

Pastor Vidar Godø frå Filadelfia håper no å få med seg kyrkjelyden sin til å finansiere kjøpet av det spesielle huset.

- Vi vil gjerne bevare huset som eit bønehus, men tenkjer at det skal brukast av ålmenta Vi ønskjer at folk i byen skal kunne kome inn i huset og oppleve eit bøne- og samtalefellesskap, seier Godø. Han er sjølv blikkenslagar og seier han klør i fingrane etter å setje huset i stand.

- Dette er ei kulturhistorisk perle, seier han.

Huset forfell

Det har vore skrive og sagt mykje om Walde-huset etter brannen for over 100 år sidan, men ingen har vist vilje til å ta vare på det eldgamle huset. Dei siste åra har huset forfalle. Huseigar Per Magne Walde har ifølgje Dagen ønskt støtte frå bystyret til å restaurere huset, men fått avslag.

Les meir om forfallet:

• Verneverdig hus forfell

Trur på historia

No håper pinsepastoren å få kjøpe og restaurere huset så snart som råd. Men den gamle historia vil dei ikkje begrave:

- Vi trur på den historia at Gud bevarte huset gjennom brannen. Det var ingenting som tilsa at huset skulle klare seg den forferdelege natta, og vi trur at Gud på denne måten ønskte å vise si makt på, seier Godø.