Arild Hoksnes er vår faste kåsør fredag ettermiddag litt før kl. 17 og måndag formiddag litt før kl. 12. Her kan du høyre kåseria hans.
Arild Hoksnes er fødd på Aukra i 1956 og bur i Melhus i Sør-Trøndelag. Han er utdanna som musikar og har skrive fleire fagbøker om musikk og andre emne. Som medlem i gruppa Hørkelgaddan fekk han Spelemannsprisen i 1981.
Mellom 1981 og 1991 var han kulturmedarbeidar i NRK. Sidan har han vore sjølvstendig næringsdrivande innan media og informasjon. Humoristen Arild Hoksnes skriv bygdekomediar og tekster for programmet "Hallo i uken" i NRK P2. Han er ofte på turné med eigne kabaretar. Lyttarane våre vil også hugse innslaga om Lidvar og Lars, som han laga saman med Ola Dimmen. Og ikkje minst: sidan 1995 har han vore fast kåsør i NRK Møre og Romsdal.