Den eine personen som blei påkøyrt i ei 50-sone i Brattvåg er sendt til St. Olavs hospital, ifylgje politiet. Tilstanden skal ikkje vere kritisk. Dei to personane kryssa vegen då dei blei trefte av ein bil. Det er ikkje overgangsfelt på staden.
Dei to fotgjengarane som blei påkøyrde i Brattvåg skal ha kryssa vegen, seier operasjonsleiar Leif Arne Mork. Der er ikkje overgangsfeltet på staden og ifylgje politiet er det også mørkt der. Bilføraren er no i avhøyr.
Politiet veit førebels ikkje kva som er årsaka til at to fotgjengarar vart påkøyrde i ei 50-sone i Håvikvegen i Brattvåg. Ein person skal vere alvorleg skadd. Politiet er på staden og sikrar spor. Dei skal også avhøyre bilføraren, seier operasjonsleiar Leif Arne Mork ved Møre og Romsdal politidistrikt. Det var vitne til det som skjedde.
To personar som vart påkøyrt i Brattvåg i Ålesund er sendt til sjukehus. Den eine personen er alvorleg skadd, ifylgje politiet. Begge personane er vaksne. Politiet er i kontakt med bilføraren. Det er manuell dirigering på staden.
Naudetatane rykker ut etter melding om at to personar skal ha blitt påkøyrde av ein bil i Brattvåg. Skadeomfanget er ukjend, men begge personane er vakne, ifylgje politiet.
