Politiet fekk melding om ei kroppskrenking tidlegare laurdag, og på bakgrunn av det den fornærma mannen forklarte, valde politiet å gå til væpna aksjon. Han vart pågripen like etter klokka 18.
– Pågripinga skjedde utan dramatikk, seier jourhavande Kirsti Hammerø. Den sikta mannen er i 20-åra og er ein kjenning av politiet.
Hammerø seier at det skal ha blitt brukt kniv mot den fornærma, som har vore til legebehandling. Ho seier at det er uvisst om den fornærma mannen har skader i strafferettsleg forstand.
Har det vore ei konflikt mellom dei to mennene?
– Det er uklart om kva som var bakgrunnen for det som skjedde, seier Hammerø.
No skal politiet avhøyre den sikta mannen. Dei har også innhenta vitneforklaringar.
– Vi skal ta stilling til kva som skjer vidare når vi har samanheldt forklaringa til den sikta med vitneforklaringane, seier jourhavande.
