Helge Orten, som er fylkesleiar i Høgre, er i dag vararepresentant til fylkestinget og også ordførar i Midsund.
Anne Dyb Liaaen frå Ålesund er foreslått som andrekandidat medan Torgeir Dahl frå Molde er sett opp på tredjeplassen.
Dyb Liaaen er gruppeleiar for Høgre i bystyret i Ålesund, men har sagt nei til gjenval til bystyret. Liaaen er ny i fylkespolitikken
Torgeir Dahl har representert Høgre i fylkestinget sidan 2003. Han er leiar for fylkesutdanningsutvalet i Møre og Romsdal og første vararepresentant til Stortinget.
Prøvenominasjon
Høgre har gjennomført en prøvenominasjon i lokallag. Her har Helge Orten fått sterk oppslutning. 15 av lokallaga har foreslått Orten på førsteplass.
Torgeir Dahl har fått 7 førsteplassar i prøvenominasjonen. Anne Dyb Liaaen har ingen førsteplassar, men heile 12 lokallag har foreslått henne på andreplass.
Av dei noverande fylkestingsrepresentantane som har sagt at dei ønskjer å fortsette, er Toril Rødsand frå Averøy foreslått på fjerdeplass medan Knut Anders Oskarsson har fått åttendeplassen på lista.
Ole Bjørn Sandøy frå Unge Høgre er foreslått på femteplassen
Møre og Romsdal Høgre skal ha nominasjonsmøte 30.oktober.
