Humor og glede er kanskje ikkje det første ein tenker på når ein snakkar om kreft. Fredag opna ein ny kafé for kreftramma og pårørande i Ålesund.
– Stor takhøgde for humor
Under opningsseremonien var underhaldninga humor og standup-show. Underhaldaren som var i aksjon, har sjølv hatt kreft to gonger.
– Eg tenkjer litt på kva eg seier og gjer. Men i og med at eg har vore i same situasjon sjølv, så veit eg at det er stor takhøgde i ein slik setting, seier standup-komikar Synnøve Hatlen.
– Går det an å spøke med sjukdom?
– Nei, eg vil vel eigentleg ikkje spøke med sjukdom, men eg kan fortelje gode historier rundt ein sjukdom, seier ho.
- Les også:
Vil lette kvardagen
Bak initiativet står Merete Kløvning som er kreftkoordinator i Ålesund kommune. Ho håper den nye fredagskafeen vil vere med på å lette kvardagen til kreftsjuke og deira pårørande.
– Eg håper at vi kan få til nok som er positivt og kjekt, sjølv om utgangspunktet for denne kafeen er alvorleg nok, seier ho.
