Frå fleire hald her i fylket er det uttrykt uro over at psykiatribygget i Trondheim blir bygd samstundes som Helse Møre og Romsdal skal i gang med si største investering nokon gong; bygging av nytt sjukehus for Nordmøre og Romsdal på Opdøl. Bekymringa er ugrunna, seier Daniel Haga.
– Pengane vil vere tilbake på sparegrisen igjen når det nye sjukehuset skal byggast, seier han.
Det nye psykiatribygget til St.Olavs Hospital i Trondheim skal stå ferdig i 2017, og vil på ingen måte gå utover sjukehusbygginga, Haga.
– Dette vil hverken gå utover prioriteringa, finansieringa eller byggestarten for nyesjukehuet, slår han fast.
Fiansieringsplanen
Psykiatribygget skal oppførsast på Østmarka i Trondheim, og nyttast av akuttpsykiatrien.
St. Olavs Hospital finansierer bygget gjennom ein eigenkapital på 145 millionar kroner, i tillegg til at dei tek opp eit lån på 100 millonar kroner hos Helse Midt-Noreg.
– Vilkåret for heile prosjektet er at lånet St. Olavs får hos oss, skal vere betalt tilbake før kostnadane tek til å gjelde for det nye sjukehuset i Møre og Romsdal, seier Haga.
Eigenkapitalen skaffar trøndarane ved å selje ein eigendom til Trondheim kommune for omlag 35 millionar kroner, og ved å auke årsoverskotet med 75 millionar kroner.
Andre, store utfordringar
For at nyesjukehuset på Opdøl skal kunne byggast, må Helse Møre og Romsdal spare tilsaman 700 millionar kroner i drifta dei komande seks åra. Dette blir den største innsparinga nokon gong for helseføretaket.
Haga vedgår at prosessen blir svært krevjande. Etter det han forstår vil administrasjonen i helseføretaket først og fremst satse på meir effektive arbeidsprosessar i det dagleg for å spare pengar.
– Lukkast vi ikkje med innsparingan så blir det svært vanskeleg å stikke nøkkelen i døra til sjukehuset på Opdøl i 2021. Det er viktig at vi tek dette på stort alvor. Dersom vi ikkje lukkast, spøker det med igangsettinga av nytt sjukehus. Då då har vi ikkje midlar totalt set til å kome i gang, åtvarar Daniel Haga.
Styret i Helse Møre og Romsdal møtes i styremøte onsdag for mellom anna å drøfte omstillingsarbeidet i føretaket.