Det er for få oppdrag og for mange båtar i offshorenæringa. For Olympic Shipping som har base i Fosnavåg i Herøy, betyr det at dei må legge tre båtar til i opplag. Frå før har dei ein i opplag.
– Marknaden som skipa opererer i er svekka og difor vel vi å legge skipa stille i ein periode. Det er svært beklageleg, seier HR-direktør Vegard Knardal.
LES OGSÅ:
Blir permitterte
At skipa vert lagt i opplag betyr at omlag 60 eigne tilsette får varsel om rederipermittering, i tillegg til terminering av kontraktar for innleigd personell. Reiarlaget har 800 tilsette i offshorenæringa
I OPPLAG: To ankerhandteringsskip og eitt forsyningsskip blir lagt i opplag.
Foto: Aas, Erlend / SCANPIX– Dei tillitsvalde og tilsette er varsla, og vi arbeider i fellesskap for å finne så gode løysingar som råd i denne krevjande situasjonen, seier Stig Remøy, adm. dir. i Olympic Shipping.
Håper på oppdrag
Reiarlaget jobbar hardt for å unngå at fleire skip skal måtte leggast i opplag. Dei har 23 offshorefarty.
– Vi håper å få skipa som ligg i opplag i sving att om ikkje så lenge, seier Vegard Knardal.
