Nyfødde heim etter 48 timar

Ny ansvarsfordeling

Kommunane skal må meir ansvar for nybakte mødre og borna deira. Det meiner Helse Sunnmøre som no kallar inn kommunane for å informere om endringa.

Helseforetaket skal spare pengar og dette gjer dei ved å pålegge jordmødrene, helsesøstrene og primærlegane i kommunane tilsynet med dei nyfødde to dagar etter fødselsen.

Jordmødrene har fullt opp

Jordmor Marit Myklatun i Sula kommune forstår ikkje heilt korleis ho skal greie meir enn det ho no har ansvar for. I si halve stilling undersøkjer ho 9-10 gravide kvar dag og må stadig be kvinner bruke fastlegen i staden. Korleis ho skal kunne yte meir omsorg etter fødslar, forstår ho ikkje. Einaste råda må vere å tilsette fleire jordmødre, seier ho.

Ikkje tid til å finne ro

Rita Robertsen er ei av dei som nyt godt av dagens ordning med tre liggedøgn etter fødselen. - Det første døgnet søv både mor og baby mykje, seier ho, andre døgnet går mykje til å få igang amminga. - Først tredje dagen kjem du skikkelig igang med morsmelka og kan begynne å føle deg trygg i situasjonen.

Tvangspålegg

Utspelet frå helseforetaket er uventa og er eit tvangspålegg, seier ordførar i Sula kommune, Ronny Blomvik. Han meiner kommunen ikkje har sjans til å finne pengar til den nye ordninga på så kort tid. Og han trur det kan bli vanskar for mødre som no ikkje får tid til å finne roa på sjukehuset og som heller ikkje kan vente at kommunane greier å følgje opp.