Redusert utsikt
Panoramaferja Tresfjord blir flytta til Trøndelag når dei tre nye gassferjene tek over på Moldefjorden neste år.
Tresfjord har ein stor salong på overdekket. Her kan passasjerane nyte den flotte utsikta gjennom vindu frå golv til tak på begge sider.
Og det er litt av ei utsikt både mot havet og mot fjella innafor. Passasjerane kan nyte den storslåtte naturen medan dei nyt kaffi og sveler, og dette er for mange eit kjærkome avbrekk på ein lenger tur.
Første snart ferdig
Den første av dei nye ferjene er ferdig til nyttår. Denne har salong berre på eine sida og er på nivå med bildekk.
Teknisk sjef Glenn Sandberg i Fjord1 MRF seier dei gjerne skulle ha tilbode stor salong på på alle ferjene. Men dette er eit økonomisk spørsmål som selskapet ville tape på i konkurranse med andre selskap om kontraktane.
-Eit opplevelsesprodukt blir borte
Erik Berg er styreleiar i Classic Norway
Foto: NRKStyreleiar i Classic Norway, Erik Berg beklagar sterkt at den beste turistferja no blir borte frå Moldefjorden. - Med den verdien norsk fjordar etterkvart har fått synest eg det er eit stort skritt tilbake, seier han. - Dette er eit opplevelsesprodukt som både Moldefjorden og andre fjordar burde ha.
