NRK Meny

Ny superkur mot biholebetennelse

Augedropar mot biholebetennelse i kjeven kan vere betre for pasienten enn tradisjonell antibiotikakur med tablettar.

Fastlege Iris Relling Nielsen

Fastlege Iris Relling Nielsen er glad for at Tidsskrift for Den norske legeforening har fatta interesse for augedråpebehandlinga.

Foto: Malin Kjellstadli Korsnes / NRK

Artikkelen er flere år gammel.

Fastlege Iris Relling Nielsen har gjennomført eit forskingsprosjekt der ho behandla kjevebihulebetennelse med augedropar i staden for tablettar.

Ho har funne fleire grunnar til at dropane kan vere betre.

– Dei som fekk behandling med dei nye øyedråpene melde tilbake at dei fekk kortare behandlingstid før dei blei vesentleg betre av sine plager. Dei blei også spurt om dei hadde biverknader, og det var det få som hadde, seier fastlege Iris Relling Nielsen i Haram.

Færre biverknader

Fastlege Iris Relling Nielsen

– Dei som fekk behandling med dei nye øyedråpene blei vesentleg betre, seier fastlege Iris Relling Nielsen.

Foto: Malin Kjellstadli Korsnes / NRK

Førti personar var med i forsøket – halvparten av dei fekk tradisjonell behandling med antibiotika tablettar – resten fekk altså behandling med augedropar.

Dropane viste seg å ha færre biverknader – behandlingstida var kortare enn med tablettar – og pasientane var jamt over meir tilfredse med å kunne bruke augedropar.

Det negative med tablettar er biverknadene, seier Nielsen.

– Det kan vere diarè, soppinfeksjon i underlivet hjå kvinner, og det kan vere allergiske reaksjonar. Den store bruken av antibiotika i Noreg kan også vere med på å utvikle resistente pasientar, seier Nielsen.

– Verdt å publisere

No blir arbeidet publisert i Tidsskrift for Den norske legeforening – det er Nielsen godt nøgd med.

– Eg har hatt flotte rettleiarar som har støtta meg, og no ser også tidsskriftet at dette kan vere verdt å publisere.

Siste video/lyd

Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.
Eit heilt spesielt forskingsprosjekt er i gang ved Runde i Herøy. Aldri før er det gjort ei så stor undersøkning med bruk av ny teknologi langs kysten for å kartlegge øko-miljøet. Målet er mellom anna å finne ut kvifor bestanden av toppskarv og lundefugl går så kraftig ned.