– Vi har hatt som mål å få kraftlinja ferdig innan utgangen av 2015. Det er ikkje lenger muleg. Dette er beklageleg, seier konserndirektøren i Statnett, Håkon Borgen i ei pressemelding.
Les:
Ny framdriftsplan
Statnett har i dag vedteke ein ny framdriftsplan der linja mellom Ørskog og Høyanger blir sett i drift i løpet av 2015. Den siste strekninga frå Høyanger til Sogndal blir ikkje ferdig før i 2016.
Men Statnett må få dei nødvendige løyva og tilgang til tomt til transformatorstasjon i Bremanger innan september 2013 om dei skal klare å halde denne framdriftsplanen.
Statnett har klaga på Fylkesmannen sitt avslag på søknad om dispensasjon til å krysse Sørdalen naturreservat i Bremanger. Dei har også bede Namsmannen avklare tilgang til eigedomar i Flora og Bremanger der grunneigarar har nekta Statnett tilgang.
Ikkje like bra forsyningstryggleik
Konsekvensen av forseinkinga er mellom anna at straumforsyningstryggleiken til Midt-Noreg ikkje vil vere normalisert før heile strekninga er ferdig.
I 2015 vil Sogn og Fjordane og sørlege del av Møre og Romsdal få normalisert forsyningstryggleik, men først når heile prosjektet frå Ørskog til Sogndal er ferdig vil tryggleiken vere normalisert i heile Midt-Noreg, skriv Statnett.
Les: